ЗАРЛАЛ Дашинчилэн сумын ИТХ-ын дэргэдэх Иргэний танхимд 2015.10.09ны 11:00 цагт МУ-ын замын хөдөлгөөний аюулгүй байдлын тухай шинэ хуулиар мэдлэг олгох сургалт, хэлэлцүүлэг зохион байгуулах тул тээврийн хэрэгсэл эзэмшдэг иргэд болон жолооч нар оролцож мэдээлэл авна уу. Сумын ИТХ-ын Ажлын алба

Тус сумын удирдлагууд болон ахмадын хороо хамтран сумын соёлын төвд алтан үеийн ахмад буурлуудаа хүлээн авч, хүндэтгэл үзүүллээ. Хүндэтгэлийн үйл ажиллагааг нээж ИТХ-ын дарга З.Ариунбуян, Засаг дарга Д.Луттөмөр нар ахмадууддаа баярын мэнд хүргээд, өнгөрсөн хугацаанд сум орон нутагт хийж гүйцэтгэсэн онцлог үйл ажиллагаа, цаашид хийгдэх гол ажлыг товч танилцуулан, ахмад буурлуудаа үргэлж өнөөдрийнх шиг баяр баясгалантай байж, хэний ч өмнө өөрсдийн хийж бүтээсэн зүйлээрээ, ажиллаж байсан байгууллагаараа бахархан, үргэлж бидэндээ үлгэр дууриал болж, эрүүл энх, урт удаан насалж, бидэнтэйгээ олон, олон баярыг хамт тэмдэглэхийг хүсэн ерөөлөө... Бидний бүтээн босгосон их үйлсийг цэцэглүүлэн хөгжүүлж яваа залуучууд, удирдлагуудад ахмад үеийнхэн талархаж буйгаа илэхрийлээд, цаашдын ажил, хөдөлмөрт улам их амжилтыг хүслээ. Ахмад, буурлууд маань олон төрлийн тэмцээн уралдаанд оролцож нэг өдөр сайхан дурсамжаар дүүрэн байлаа...

МУ-ын арслан Б.Жамъяндоржйин нэрэмжит Булган аймгийн 2015 оны Үндэсний бөхийн аймгийн аварга шалгаруулах өсвөр, залуучуудын тэмцээн Дашинчилэн суманд 2015 оны 09 сарын 26,27-ны өдрүүдэд амжилттай зохион байгуулагдлаа.

Дашинчилэн ИТХ-ын Тэргүүлэгчид улс төрийн хилс хэрэгт хэлмэгдэгсдийн дусргалыг хүндэтгэх өдрийг тэмдэглэн өнгөрүүлэх ажлын төлөвлөгөө батлан,дараах ажлуудыг зохион байгууллаа.

2015-2016 оны хичээлийн шинэ жилийн анхны хонхны дуу цангинаж, эрдмийн их баярын нээлт эхэлж байна. Энэхүү хамгийн сэтгэл догдлуулсан, гэгээлэг сайхан баярын өдрийг тохиолдуулан оюутан, сурагч, эцэг эх, багш сурган хүмүүжүүлэгчид болон боловсролын салбарын нийт ажилтнууд та бүхэндээ Дашинчилэн сумын ИТХ-ын хамт олны зүгээс чин сэтгэлийн мэндчилгээ дэвшүүлье

Шандаст хурдан морьд төрийн сүлдэнд эргэцэж Шагайн мэргэ гэрэлтэж дөрвөн бэрх бууна Есөн цацлын нүдээр ертөнцийн зүг уужирч Ерөөл магтаал цуурайлж нар ойрхон мандана Ээтэн хоншоорт гутал эрийн хийморинд өнгө орж Эгэлгүй хүчтэн бөхчүүдийн ид хаваар гайхуулна Дорнын хөх огторгуй үүлэн чөлөөгөөр мэлтийж Долоон бурхнаа нууж монгол наадам эхэлнэ Та бүхэн сайхан наадаарай

Сумын итх-ын 6 дахь удаагийн сонгуулийн 15-р хуралдаан 2015 оны 06 дугаар сарын 10-ны өдрийн 11 цагт Иргэний танхимд боллоо

БТС-ын тэргүүний ажилтан дасгалжуулагч багш Лувсанцэрэнгийн Дорж агсаны нэрэмжит 100 буудалт даамны нээлттэй тэмцээнийг түүний үр хүүхдүүд, шавь нарын санаачлагаар 2015 оны 06 сарын 06-07 нд тус суманд зохион байгууллаа. Тэмцээнд Дорноговь, Говьсүмбэр аймаг, Сонгинохайрхан, Баянзүрх дүүргүүдийн баг тамирчид ирж оролцон Монголын даамын холбооны ерөнхий нарийн бичгийн дарга олон улсын шүүгч спортын мастер Д.Чойжилсүрэн ерөнхий шүүгчээр ажиллаа.

УИХ-ын Тамгын газар, НҮБХХ-ийн хамтарсан "Нутгийн өөрөө удирдах байгууллагын чадавхыг бэхжүүлэх нь" төслийн хүрээнд Булган аймгийн бүх шатны ИТХ-ын эмэгтэй төлөөлөгчдийн манлайллын сургалтыг 2015.06.03-04 ны өдрүүдэд Булган аймагт боллоо. Уг сургалтанд ИТХ-ын төлөөлөгч, тэргүүлэгч Ш.Наранцэцэг, төлөөлөгч Д.Буянжаргал, ИТХТ-ын нарийн бичгийн дарга А.Чимгээ, БИНХ-ын тэргүүлэгч Д.Хоролсүрэн, Д.Алтантулга, Д.Мөнгөнтуяа нар оролцоод ирлээ.

Эх үрсийн баярын өдрөөр АЛДАРТ ээжүүдэд одон гардуулах, Тэргүүний ахмад ээжүүд шалгаруулах ёслол хүндэтгэлийн ажиллагаа өргөн болж өндөрлөлөө.Олон хүүхэд төрүүлж өсгөсөн 11 ээж Монгол Улсын Ерөнхийлөгчийн 79-р зарлигаар "Алдарт эх" 2-дугаар одонгоор шагнагдаж..Мөн олон хүүхэд төрүүлж өсгөн,зөв боловсон хүмүүжүүлсэн,гэр бүл,нутаг усандаа хүндтэй сайхан ээжүүдээ алдаршууллаа."САЙХАН БУУРАЛ ЭЭЖ"-Лах баг Б.Долгор,"АЧЛАЛТ ЭЭЖ" Лах баг-Т.Аюуш нарыг өргөмжиллөө.Хатан ухаант ээжүүддээ Хан хорвоогийн хамгийн сайн сайхныг хүсэн ерөөе.Урт насалж Удаан жаргаарай МОНГОЛЫН ҮРС МАШ ОЛОН БОЛОХ БОЛТУГАЙ

Тус суманд үйл ажиллагаа явуулдаг интернэт кафенуудад шалгалт хийлээ

Дашинчилэн сумын Лахын багийн иргэд хурал хийж өдөрлөг зохион байгууллаа. Нийт багийн хуралд 186 иргэн оролцож багийн засаг даргын тайланг хэлэлцэн үнэлэлт дүгнэлт өгсөн байна.

НЭЭЛТТЭЙ ХААЛГАНЫ ӨДӨР МУ-н Ерөнхийлөгчийн зарлиг Засгийн газрын 190 дүгээр тогтоолын дагуу “Нээлттэй хаалганы өдөр”-г сумын хэмжээнд 5 сарын 20-21ны өдрүүдэд зохион байгууллаа. Тус үйл ажиллагаанд аймгийн Засаг дарга Д.Эрдэнэбат, СХХэлтэсийн дарга Ц.Бүрэнтуяа, ХБХэлтэсийн мэргэжилтэн Г.Бадамсүрэн нар холбогдох мэргэжилтнүүдийн хамт тус суманд 2 өдөр ажиллан дөрвөн багийн ИНХ-д оролцож Шинэ Булган хөтөлбөрийн хэрэгжилтийн талаар мэдээлэл хийн иргэдийн санал хүсэлтийг сонслоо. Мөн төрийн болон хувийн хэвшлийн байгууллагуудын үйл ажиллагаатай танилцаж санал хүсэлтийг нь хүлээн авч ажиллаа. Дашинчилэн сумын ИТХ

Сумын ИТХ-аас зохион байгуулж байгаа Хүүхэд, Залуучуудын амьдралд нөлөөлж буй аливаа асуудлыг шийдэж, хэрэгжүүлэх үйл явцад тэдний дуу хоолой, санал бодлыг сонсох ажлын хүрээнд орон нутгийн Залуучууд, Бүрэн дунд сургуулийн ахлах ангийн сурагчдийн дунд 2015.05.14 нд соёлын төвд "АЛДАРТНАА СОНСОЖ-АМЖИЛТААС НЬ СУРАЛЦАЯ" сэдэвт чөлөөт уулзалтанд нутгийн уугуул иргэн МУ-ын заан, Спортын гавьяат мастер Дэндэвийн Амгааг урилгаар оролцуулж хүүхэд, залуучуудтай харилцан ярилцаж тэдний сонирхосон асуултанд хариулт өгч уулзалт ярилцлага амжилттай зохион байгууллаа.

Сумын ИТХ-ын 6 дахь удаагийн сонгуулийн 14-р хуралдаан 2015 оны 05 дугаар сарын 13-ны өдрийн 12 цагт Иргэний танхимд боллоо. Хуралдаанд ирвэл зохих 21 төлөөлөгчөөс 12 төлөөлөгч хүрэлцэн ирж , ирц 62.0% тай байв. Тус хуралдаанаар Байгалийн өвөрмөц тогтоц, ховор, ховордсон амьтан, ургамал,түүх дурсгалт ,соёлын өв бүхий газруудыг Орон нутгийн тусгай хамгаалалтанд авах тухай асуудлыг хэлэлцэн батлаад байна.

Тус сумын удирдлагуудийн саналаар Улаанбаатар хотоос лам нар урин сумынхаа Ганданчойлон хийдэд Жамсран сахиус хурууллаа. Орой нь сумын соёлын төвд ард иргэдийн аж амьдрал тэгш дүүрэн, амар амгалан байхын зэрэгцээ, нутаг усны сайн сайхан байхын тухайд Лүүжин тавих хурал хурууллаа. Энэхүү арга хамжээ нь нутгийн ард иргэдийн сэтгэлд хүрсэн сайхан үйл явдал боллоо.