Булган аймгийн Дашинчилэн сум, УДБЭТ 23 жилийн дараа дахин хамтран ажиллахаар “САНАМЖ БИЧИГ”-т гарын үсэг зурлаа. Санамж бичгийн дагуу УДБЭТ нь Дашинчилэн сумын ард иргэд, хүүхэд залуусын урлагийн боловсролыг дээшлүүлэх, соёлын талаарх ойлголтыг нэмэгдүүлэх зорилгоор урлагийн боловсрол олгох сургалт арга хэмжээ, төсөл хөтөлбөр, тэмцээн уралдаан зэрэг орон нутгийн хөгжлийг дэмжих ажлуудыг хамтран зохион байгуулах, сум орон нутгийн хөгжилд бодит хувь нэмэр оруулах, Дашинчилэн сум нь бүсчилсэн хөгжлийн бодлогод тулгуурлан мал аж ахуй, газар тариалангийн үйлдвэрлэлийн тогтвортой өсөлтийг дэмжих, хүнсний дотоодын хэрэгцээг хангах зорилгоор УДБЭТ-ын хамт олны туслах аж ахуй эрхлэлтийг дэмжин ажиллахаар боллоо. Мөн УДБЭТ-ын хамт олны зүгээс сумын иргэдэд урлагийн тоглолт, үдшийн цэнгүүнийг зохион байгууллаа.

“Хүүхдээ сонсоё” арга хэмжээг 2024 оны 05 сарын 07-ны өдөр зохион байгуулагдаж, 6-12-р ангийн 60 хүүхэд хамрагдлаа. Уг арга хэмжээний үеэр хүүхдүүдийн санал хүсэлтийг сонсож, “Хүүхдийн элч”-ийг сонголоо. Хүүхдийн элчээр сумын ИТХ-ын төлөөлөгч, 2-р багийн Засаг дарга А.Алтантуяа сонгогдож, сайн дурын үндсэн дээр хүүхдийн төлөө дуу хоолойгоо өргөхөөр боллоо.

“Хүүхдээ сонсоё” арга хэмжээг 2024 оны 05 сарын 07-ны өдөр зохион байгуулагдаж, 6-12-р ангийн 60 хүүхэд хамрагдлаа. Уг арга хэмжээний үеэр хүүхдүүдийн санал хүсэлтийг сонсож, “Хүүхдийн элч”-ийг сонголоо. Хүүхдийн элчээр сумын ИТХ-ын төлөөлөгч, 2-р багийн Засаг дарга А.Алтантуяа сонгогдож, сайн дурын үндсэн дээр хүүхдийн төлөө дуу хоолойгоо өргөхөөр боллоо.

Дашинчилэн сум үүсэн байгуулагдсаны түүхт 100 жилийн ойн ажлын хүрээнд тус сумаас төрөн гарсан МУГТ, УЛСЫН ЗААН ДЭНДЭВИЙН АМГААГИЙН нэрэмит улс, аймгийн алдар цолтой 128 бөхийн барилдаан Монгол бөхийн өргөөнд амжилттай болж өндөрлөлөө. Барилдаанд Булган аймгийн Орxон сумын xарьяат улсын начин Б.Түмэндэмбэрэл түрүүлж, Завxан аймгийн Яруу сумын xарьяат улсын заан М.Лxагвагэрэл үзүүрлэлээ. Иx шөвөгт Булган аймгийн Сайxан сумын xарьяат аймгийн начин Б.Бат-Эрдэнэ болон Булган аймгийн Xутаг-Өндөр сумын xарьяат X.Цогтгэрэл нар үлдлээ. МУГТ, Улсын заан Д.Амгаад XX зууны манлай бөx баяр наадмын манлай, түмнээс төгөлдөр дарxан аварга X.Баянмөнx болон аймаг, сумын удирдлагууд, Булган хангай бөхийн дэвжээ, нутгийн иргэд, ахан дүүс, найз нөхөд нь xүндэтгэл үзүүллээ.

Азийн Хөгжлийн Банкны санхүүжилтээр баригдах 5,6 тэр бум төгрөгийн өртөг бүхий 15 ортой жишиг эрүүл мэндийн төвийн барилгын ажил эхэллээ. Азийн Хөгжлийн Банк болон Эрүүл мэндийн яамны холбогдох хүмүүс сумын удирдлагууд болон барилгын гүйцэтгэгч компанитай уулзалтыг зохион байгууллаа.

Булган аймгийн аварга шалгаруулах " U14 НАСНЫ ВОЛЕЙБОЛ"-ын тэмцээн 2024 оны 05 сарын 06-07-ний өдрүүдэд Булган суманд зохион байгуулагдлаа. Уг тэмцээнд Ж. Цогтбаатар багш, дасгалжуулагчтай эмэгтэй баг тамирчид Мөнгөн медалийн эзэд боллоо. Мөн “Шилдэг холбогч”-оор Ц.Цэлмүүн шалгарлаа. Тэмцээнд оролцсон нийт баг тамирчдад баяр хүргэж, спортын өндөр амжилтыг хүсэн ерөөе.