Дашинчилэн сумын ИТХ-ын Тэргүүлэгчдээс Ардчилсан шинэ Үндсэн хууль батлагдсаны 23 жилийн ойг угтаж тусгай  хөтөлбөрийг батлан  дараах ажлуудыг зохион байгуулан ажиллалаа.

           МУ-ын Ардчилсан шинэ Үндсэн хуулиар сургалт хийж,  ИТХ-ын нэрэмжит “Тойрог сурталчилах –КАРАОКЕ” тэмцээн,  үдэшлэг, Үндсэн хуулийн нэрэмжит Гар бөмбөгийн тэмцээнийг тус тус  хийгээд байна.

Сумын ИТХ-ын Тэргүүлэгчдийн ажлын албанаас ИТХ-ын төлөөлөгчид, Төрийн албан хаагчдын дунд  01-р сарын  12-ны өдөр МУ-ын Ардчилсан шинэ Үндсэн хуулиар сургалт явуулж, нийт   25  хүн хамрагдсан.

ИТХ-ын нэрэмжит “Тойрог сурталчилах –КАРАОКЕ” тэмцээнийг 01-р сарын 12-нд  зохион байгуулсан. Тэмцээнд   сумын төв болон хөдөөгийн багуудын иргэдээс бүрдсэн 6 багийн 30 хүн оролцож,  1-р байранд Ү.Отгондаваа ахлагчтай “Залуус” баг, Шилдэг Гоцлол дуугаар Ү.Отгондаваа, Шилдэг Хослол дуугаар “Нарлаг” багийн Г.Хонгорзул, Д.Зулсайхан нар тус тус шалгарч Өргөмжлөл, мөнгөн шагналаар шагнагдлаа.

Жил бүр сумын ИТХ-ын Тэргүүлэгчдээс уламжлал болгон явуулдаг  Үндсэн хуулийн нэрэмжит Гар бөмбөгийн тэмцээнийг 01-р сарын 13-ны өдрийн 10 цагт Бүрэн дунд сургуулийн спорт зааланд зохион байгуулав. Уг тэмцээнд эрэгтэй 9, эмэгтэй 7, нийт 16 багийн  96 хүн оролцон,тэмцээн өрсөлдөөнтэй болж өндөрлөв.

Тэмцээний 1-р байранд Т.Даваадорж ахлагчтай Төвийн баг, С.Батдэлгэр ахлагчтай Залуучуудын холбооний баг, 2-р байранд Урантогос ахлагчтай БДС-ийн охидын баг, Б.Дорждамба ахлагчтай Оуютаны баг, 3-р байранд Д.Буянжаргал ахлагчтай БДС-ийн баг, Д.Энхбаатар ахлагчтай Залуучуудын холбооны баг тус тус орж,алт,мөнгөн медаль, мөнгөн шагналаар шагнууллаа. Мөн Шилдэг  тоглогчоор С.Батдэлгэр, Т.Даваадорж нар  шалгарсан байна. Тэмцээнийг зохион байгуулсан төлөөлөгч нартаа баярлалаа.