Дашинчилэн сумын ИТХ-ын даргын баталсан тусгай удирдамжийн дагуу 2019 оны 06 дугаар сарын 26-ны өдөр орон нутгийн нийтийн эзэмшлийн талбайн ашиглалт, хамгаалалтыг  шалган, өмч хөрөнгийн данс бүртгэлтэй танилцаж, хараа хяналтыг сайжруулах талаар хариуцсан төсвийн байгууллагуудад үүрэг чиглэл өгч ажиллалаа.  

Үүнд: Сумын төв саад, Хүүхдийн тоглоомын талбай, Хүндэтгэлийн талбай, Наадмын талбай зэрэг орон нутгийн нийтийн эзэмшлийн гудамж, талбайн  ашиглалттай танилцав.

Уг хяналт шалгалтанд ИТХ-ын Эдийн засаг, хөтөлбөр, хөрөнгө оруулалт, төсөв санхүүгийн хорооны дарга З.Ариунбуян, ИТХ-ын Тэргүүлэгч Т.Оюунчимэг, ИТХ-ын Тэргүүлэгчдийн нарийн бичгийн дарга А.Чимгээ, төвийн багийн ИНХ-ын дарга Т.Цэцэгмаа нар тус тус оролцлоо.

Сумын Засаг даргын баталсан 2019 оны 06 дугаар сарын 12-ны өдрийн удирдамжаар нийтийн эзэмшлийн гудамж, талбайг  Ардын хувьсгалын 98 жил, үндэсний их баяр наадмыг угтан ТАХ-дыг дайчлан, төсвийн хөрөнгийг хэмнэх зорилгоор  төсвийн байгууллагуудад  хариуцуулан өгч, сэргээн засварлах ажлууд  хийгдэж байна.