Булган аймгийн Дашинчилэн суманд аймгийн Засаг даргын 2017 оны 11 дүгээр сарын 01-ны өдрийн 01/1350 тоот албан бичгийн дагуу "Согтууруулах ундаа худалдах, түүгээр үйлчлэх тусгай зөвшөөрөл"-тэй үйл ажиллагаа явуулж буй худалдаа, үйлчилгээний газруудын ажиллах цагийн хуваарийг иргэд, үйлчлүүлэгчдийн санал, эрэлт хэрэгцээнд түшиглэн шинэчлэн батлахаар сонсох ажиллагааг явуулж байгаатай уялдуулан зохион байгуулсан Хэлэлцүүлэг 2017 оны 11-р сарын 13-ны өдрийн 15 цагт Иргэний танхимд боллоо.
Хэлэлцүүлэгт орон нутагт бүртгэлтэй байгаа тусгай зөвшөөрөл бүхий 13 аж ахуйн нэгжээс үйл ажиллагаа явуулж байгаа нийт 8 аж ахуйн нэгжийн төлөөллийг 100% оролцуулж, нийт 20 хүн хамрагдлаа.
Хэлэлцүүлгийг сумын ИТХ-ын Тэргүүлэгчдийн нарийн бичгийн дарга А.Чимгээ удирдан, төслийг уншиж танилцуулж, ИТХ-ын дарга А.Батжаргал, ИТХ-ын СБ,ЭМАХХорооны гишүүн, Тэргүүлэгч Т.Оюунчимэг, төвийн багийн Засаг дарга Д.Дэлгэрцэцэг, ЗДТГ-ын ТЗАХМэргэжилтэн Б.Батцэцэг, БИНХ-ын дарга Т.Цэцэгмаа, МЭҮТ-ийн Мэргэжилтэн Ш.Гэрэлт-Од, Татварын Улсын байцаагч Л.Отгонсүрэн, ИТХ-ын ажлын албаны ажилтан Б.Энхболд нар тус тус хамтран зохион байгуулан, тэдэнд хууль эрх зүйн зөвлөмж өгч, цаг үеийн ажлын талаар мэдээлэл хүргэн, харилцан санал бодлоо солилцоод байна.
