Монгол Улсын Ерөнхийлөгч Х.Баттулга хоёрдугаар сарын 4-ний өдөр Дундговь аймгийн иргэдтэй уулзлаа. Төрийн тэргүүнийг аймгийн удирдлагууд угтаж, аймаг орон нутгийнхаа нийгэм, эдийн засгийн байдлыг танилцуулан, орон нутгийн хөгжлийн асуудлаар дэлгэрэнгүй ярилцав.

Мөн ТХДЖТеатрт иргэдтэй уулзалт хийж иргэдийн санал хүсэлтийг хүлээн авлаа. Иргэд ядуурал, ажилгүйдэл, тэтгэвэр, тэтгэмж, төрийн албаны чадавхи, улс төрийн өнөөгийн нөхцөл байдал, хууль тогтоомж, төрийн шагнал, малчны тэтгэвэр, өвөлжилт, отор нүүдлийн талаар санал бодлоо илэрхийллээ.